post

የአዲስ ቻምበር የ 75ኛ አመት የምስረታ ክብረ በአል መዝጊያ መርሀግብር ለተለያዩ አካላት እውቅና በመስጠት ተጠናቀቀ ፡፡

በ1939ዓም በቻርተር የተቋቋመው የአዲስ አበባ ንግድ ም/ቤት ዛሬ ላይ የ75 አመት አንጋፋ ተቋም ሆኗል፡፡ ታዲያ ምክር ቤቱ በስኬትና በውጣ ውረድ የታጀበው የ75 አመታት የምስረታ በአሉ ለተለያዩ አጋር አካላት፣ የቻምበር ፕሬዚዳንቶች፣ም/ፕሬዚዳንቶች፣ የቦርድ አባላት እና ሰራተኞች እውቅና በመስጠት ተጠናቀቀ፡፡ ሰኔ 23 ፣2014 በስካይ ላይት ሆቴል በተካሄደው የማጠቃለያ ስነስርአት ከምስረታው አንስቶ የንግድ ምክር ቤቱ በየዘመናቱ ካጋጠመው ፈተናዎችና መሰናክሎች አልፎ አሁን ያለበት ደረጃ ላይ እንዲደርስ አስተዋጽኦ ላበረከቱ ግለሰቦችና ባለድርሻ አካላት የዋንጫ፣የሜዳልያና ሰርቲፊኬት እውቅና ተሰጥቷል፡፡ ይህ የ75ኛ አመት የምሥረታ በዓሉ ባማረና በደመቀ ሥነስርዓት እንዲከበር በአብይ ኮሚቴ አና ሌሎች 16 ንዑሳን ኮሚቴዎች ተቋቁመው ልዩ ልዩ ተግባራትን ሲያከናውኑ ቆይተዋል፡፡ ከእነዚህ መካከል የም/ቤቱን ወጥ ታሪክ የሚያወሳ አዲስ መጽሐፍ ማዘጋጀት ሲሆን መጽሐፉ በገለልተኛ እና ልምድ ባላቸው ባለሙያዎች የተጻፈ ሲሆን ንግድ ም/ቤቱ በእነዚህ ረጅም አመታት ውስጥ በትውልድ የቅብብሎሽ ሰንሰለት ላይ ያለፈባቸውን መልካም እና ፈታኝ ሁኔታዎችን የሚዘክርና ፣የወደፊቱን የጉዞ አቅጣጫ የሚጠቁም ሰነድ እንዲሆን ተደርጓል፡፡

ሌላውና አበይት ስራ በ1993 ዓም የተዘጋጀው እና ዘወትር የአዲስ ቻምበር የሬድዮ ፕሮግራም መክፈቻ ሆኖ ሲያገለግል የቆየው እና በሕዝብ ጆሮ የተለመደው ‘ ራዕያችን’ የተሰኘው ዝማሬ መሠረቱን ሳይለቅ በተሻለ የድምጽ ጥራት እና ባማረ ሙዚቃዊ ቅንብር እንደገና ዘምኖ፣ተሻሽሎና ተዘጋጅቶ እንዲወጣ ተደርጓል ተብሏል፡፡
በተለያዩ የመንግስት ስርአቶች ውስጥ የንግዱ ህብረተሰብ እና ምክር ቤቱ ያሳለፏቸውን ውጣ ውረዶች፣ እድሎቹና ተስፋዎቹን የሚያሳይ ‘የነጋዴው ዋርካ’ በሚል ዶክመንታሪ ፊልም በፋና ብሮድካስቲንግ ኮርፖሬት ተዘጋጅቶ ለተመልካች በቅቷል፡፡

በአሉ በተለያዩ የንግድና ኢንቨስትመንት ዙሪያ የሚያጠነጥኑ ታላላቅ የፖሊሲ ፓናሎችና ሲምፖዚየሞች የተካሄዱበትም ነበር፡፡ በስካይ ላይት ሆቴልና በሂልተን ሆቴል ለ3 ቀናት ከተካሄዱት ፓናሎቹና ሲምፖዚየሞቹ መካከል በኢትየጵያ የግሉ ዘርፍ ልማትና ከባቢ የፖሊሲ ሁኔታዎች፣ ህገወጥ ንግድና የተወዳዳሪነት ፈተናዎች፣ የህጎችና ደንቦች አወጣጥ በግሉ ዘርፍ ልማት ፣ በሴቶች የሚመራ የቢዝነስ አመራር፣ የሶሻል ኢንተርፕራይዝ እድሎችና ፈተናዎች እንዲሁም ዛሬ የተካሄደው የንግድ ማህበራትና ተቋማት በኢትየጰያ ኢኮኖሚ ውስጥ ያላቸው ሚና የመሳሰሉት ርእሶች ይገኙበታል፡፡ በእነዚህንም ፓናሎች ታዋቂ ምሁራን፣የፖሊሲ አውጪዎች እና የግሉ ዘርፍ ተዋንያን ሀሳባቸውን አቅርበዋል፡፡
በአጠቃላይ ይህ ክብረ በአል ምክር ቤቱ በመጪው ዘመን የሰነቀውን ተስፋ የሚያመላክትበትና የንግዱ ማህበረሰብ እንደራሴነቱን ከወትሮው በተለየ ሁኔታ የሚያሳይበት እና ካልኪዳኑን የሚያድስበት መሆኑን ንግድ ምክር ቤቱ ገልጿል፡፡ በተለይ በአሉ እንዲህ በሰመረ ሁኔታ እንዲከበር አስተዋጽኦ ላበረከቱ አጋር ተቋማት ልባዊ ምስጋናውን አቅርቧል፡፡

post

የአዲስ አበባ ንግድና የዘርፍ ማህበራት ምክር ቤት የተመሰረተበትን 75ኛ ዓመት እያከበረ ነው።

አዲስ አበባ፣ ሰኔ 21፣ 2014 የአዲስ አበባ ንግድና ዘርፍ ማህበራት ምክር ቤት ለሃገሪቱ የንግድ ስርዓት ማደግና መሳለጥ የራሱን አስተዋጽኦ እያበረከተ መሆኑን የንግድና ቀጠናዊ ትስስር ሚኒስቴር አስታወቀ፡፡ የአዲስ አበባ ንግድና የዘርፍ ማኀበራት ምክር ቤት/ አዲስ ቼምበር/ የ75ኛ ዓመት ክብረ በዓሉን በስካይ ላይት ሆቴል እያካሄደ ነው፡፡
በ1939 ዓ.ም የተመሰረተዉ አዲስ ቻምበር ባለፉት 75 ዓመታት ዘርፈ ብዙ ተግባራትን ማከናዉን የገለጹት የምክር ቤቱ ጸኃፊ አቶ ሺበሺ ቤተማርያም ምክር ቤቱ ለንግዱ ማህበረሰብ እዉነተኛ ድምጽ መሆኑን በተግባር አረጋግጧል ነዉ ያሉት:: ምክር ቤቱ በተጽእኖዎች ሳይበገር ዘመን ተሸጋሪ ተቋም መሆኑን አሳይቷል ብለዋል ዋና ጸኃፊዉ፡፡
የንድ ምክር ቤቱ ፕሬዚዳንት ወይዘሮ መሰንበት ሸንቁጤ በበኩላቸዉ የአዲስ አበባ ንግድና ዘርፍ ማህበራት ምክር ቤት 75ተኛ አመት ምስረታዉን ሲያከብር ለመጪው ዘመን የሰነቀውን ተስፋ የሚያመላክትበትና የንግዱ ማህበረሰብ እንደራሴነት ቃልኪዳኑን የሚያድስበት እንደሚሆን ገልጸዋል፡፡
የሃገሪቱን የንግድ የኢንቨስትመንት የኢኮኖሚ ሁኔታዎች እየተከታተሉ የፖሊሲና ሌሎች ምክረሃሳቦችን ለመንግስ በማቅረብ ቻምበር ሃላፊነቱን በተግባር እየገለጸ መምታቱም በመድረኩ ተወስቷል፡፡ የንግድና ቀጠናዊ ትስስር ሚኒስትር ዴኤታ አቶ ሃሰን መሃመድ እንዳሉትም አዲስ ቻምበር ከተመሰረተ ጊዜ ጀምሮ በሀገሪቱ የንግድ እንቅስቃሴዎች ላይ ከፍተኛ ሚና ያለዉን የንግድ ማህበረሰብ በመወከል ጥቅሞቹና መብቶቹ እንዲከበሩ ያላሰለሰ ጥረት አድርጓል ብለዋል፡፡ የአዲስ አበባ ንግድና ዘርፍ ማህበራት ምክር ቤት ለሃገሪቱ የንግድ ስርዓት ማደግና መሳለጥ የራሱን አስተዋጽኦ እያበረከተ መሆኑንም ሚኒስትር ዴኤታዉ የገለጹት፡፡ የአዲስ ቻምበርን የ75 ዓመት ጉዞ የሚያሳይ የፎቶግራፍ ኤግዚቢሽንም ተከፍቷል፡፡
post

ሀገር አቀፍ የምክክር ኮሚሽን ከንግዱ ማህበረሰብ ተወካዮች ጋር ውይይት አካሄደ

ሀገር አቀፍ የምክክር ኮሚሽን በአዲስ አበባ ንግድ እና ዘርፍ ማህበራት ም/ቤት አመቻችነት ከንግዱ ማህበረሰብ ተወካዮች ጋር መክሯል ። ኮሚሽኑ ሁሉን አቀፍ የምክክር መድረክ ለማድረግ ዝግጅት ላይ ሲሆን የንግዱ ማህበረሰብንም ያካትታል ተብሏል ። በቅርቡ በሀገሪቱ ሰላምና እርቅን ለማስፈን ይደረጋል በተባለው የምክክር መድረክ ላይ ከንግዱ ማህበረሰብ መሪ ሀሳቦችን ማቅረብ እና ንቁ ተሳትፎ ይጠበቃል ተብሏል። የአዲስ አበባ ንግድ እና ዘርፍ ማህበራት ም/ቤት ፕሬዚዳንት ወ/ሮ መሠንበት ሸንቁጤ ንግድን ለማሳለጥ ሰላም ወሳኝነት አለው ያሉ ሲሆን ም/ቤቱ በምክክር ሒደቱ ውስጥ የሚጠበቅበትን ድርሻ እንደሚወጣ አረጋግጠዋል ።
በውይይቱ ላይ የምክክር ኮሚሽኑ ኮሚሽነር አምባሳደር መሀመድ ድሪር ፤ ኮሚሽነር ዶ/ር ዮናስ አዳዬ ፤ የአዲስ አበባ ንግድ እና ዘርፍ ማህበራት ም/ቤት ፕሬዚዳንት ወ/ሮ መሠንበት ሸንቁጤ እና ዋና ጸሀፊው አቶ ሺበሺ ቤተማርያም እንዲሁም  የንግዱ ማህበረሰብ አባላት ተገኝተዋል ። የም/ቤቱ ዋና ጸሀፊ አቶ ሺበሺ ቤተማርያም በበኩላቸው የኮሚሽኑን አላማ የሚደግፍ ” ሰላም ለቢዝነስ ቢዝነስ ለሰላም ” በሚል ርእስ በቅርቡ የውይይት መድረክ የማድረግ እቅድ እንዳለው ጠቁመዋል ።
post

የአዲስ ቻምበርን የ75 ዓመት ጉዞ የሚያሳይ የፎቶግራፍ ኤግዚቢሽን ተከፈተ

የአዲስ አበባ ንግድና የዘርፍ ማህበራት ምክር ቤት (አዲስ ቻምበር) የተመሰረተበትን 75ኛ ዓመት እያከበረ ነው። በወቅቱ የአዲስ ቻምበር 75 ዓመት ጉዞ የሚያሳይ የፎቶግራፍ ኤግዚቢሽን በስካይላይት ሆቴል ተመርቆ ተከፍቷል። ኤግዚቢሽኑን የንግድና ቀጠናዊ ትስስር ሚኒስትር ዴኤታ አቶ ሀሰን መሐመድና የአዲስ ቻምበር ፕሬዚዳንት ወይዘሮ መሰንበት ሸንቁጤ ከፍተውታል። የፎቶ ኤግዚቢሽኑ ላይ 156 ፎቶዎች ለዕይታ ቀርበዋል። የአዲስ አበባ ንግድና የዘርፍ ማህበራት ምክር ቤት የፋሺስት ወረራ ካበቃ በኋላ በ1939 ዓ.ም የንግዱን ዘርፍ ተወዳዳሪነት ለማሳደግ የተቋቋመ ምክር ቤት ነው።
post

የንግድ ስነምግባር ችግሮችን በጥናት ተደግፎ መፍታት እንደሚገባ ተገለ

ሉናር ኢንተርናሽናል ኮሌጅ የንግድ ባህል ስነምግባር ላይ ያተኮረ የመጀመሪያውን አመታዊ የጥናት አውደርእይ በዛሬው እለት አካሒዷል፡፡
በስድስት በተመረጡ ርእሰ ጉዳዮች ላይ የተሰሩ ጥናቶች ቀርበው ውይይት ተደርጎባቸዋል፡፡ ጥናቶቹ በአርብቶ አደር አካባቢዎች በሚሰጥ የኢንሹራንስ እና ባንክ አገልግሎት ፤ የተማሪዎች በቢዝነስ ዘርፍ የመግባት ፍላጎትና ውጤታማነት እንዲሁም የተቋማት ብድርን በአግባቡ የማግኘት ሁኔታዎች ላይ ያተኮሩ እና ሌሎች ጉዳዮችንም ያካተቱ ናቸው፡፡
የሉናር ኢንተርናሽናል ኮሌጅ ፕሬዝደንት ዶ/ር ታሪኩ አቶምሳ እንደገለጹት የንግድ ባህላችን በስነምግባር የታነጸ እንዲሆን በየፈርጁ ችግሮችን ለይቶ በጥናት የተደገፈ መፍትሔ ማቅረብ ያስፈልጋል፡፡ እድገት ከሚለካባቸው መስፈርቶች አንዱ ኢኮኖሚ መሆኑን ያነሱት ዶ/ር ታሪኩ ለዚህ የሚረዳ በቂ የተማረ የሰው ሀይል ለዘመናዊ ቢዝነስ ያስፈልጋል ብለዋል፡፡
በዚህ ረገድ በዘርፉ የሰለጠኑ ከየትምህርት ተቋማቱ ተመርቀው ገበያውን ለመቀላቀል የተዘጋጁ ተማሪዎች ላይ መስራት አስፈላጊ ነው ሲሉ ገልጸዋል፡፡ በተጨማሪም ከውይይቱ የሚሰበሰቡትን ግብረመልሶች በአንድ ሰነድ በማደራጀት የአዲስ አበባ ንግድ እና ዘርፍ ማህበራት ም/ቤትን ጨምሮ ለሚመለከታቸው አካላት እንደሚቀርብ ጠቁመዋል፡፡
በውይይቱ ላይ በክብር እንግድነት የተገኙት የአዲስ አበባ ንግድ እና ዘርፍ ማህበራት ም/ቤት ዋና ጸሀፊ አቶ ሺበሺ ቤተማርያም በበኩላቸው በውይይቱ ላይ የቀረቡ ጥናቶች ምክረ ሀሳቦችን እና ከተወያዮች የተነሱ ሀሳቦችን ም/ቤቱ ተቀብሎ እንደሚሰራባቸው አረጋግጠዋል፡፡
post

ማክሰኞ፣ ሰኔ 21 ቀን 2014ዓ.ም ከጠዋቱ 3:00 ሰዓት በስካይላይት ሆቴል ይመረቃል::

በ1939ዓም በቻርተር የተቋቋመው የአዲስ አበባ ንግድ ም/ቤት ዛሬ ላይ የ75 አመት አረጋዊ ሆኗል፡፡
75ኛ የምሥረታ በዓሉን ባማረ ሥነስርዓት ለማክበር በአብይ ኮሚቴ አና ሌሎች 16 ንዑሳን ኮሚቴዎች ተቋቁመው ልዩ ልዩ ተግባራትን ሲያከናውኑ ቆይተዋል፡፡ ከእነዚህ መካከል የም/ቤቱን ወጥ ታሪክ የሚያወሳ አዲስ መጽሐፍ ማዘጋጀት ይገኝበታል፡፡
መጽሐፉ በገለልተኛ እና ልምድ ባላቸው ባለሙያዎች የተጻፈ ሲሆን ንግድ ም/ቤቱ በእነዚህ ረጅም አመታት ውስጥ በትውልድ የቅብብሎሽ ሰንሰለት ላይ ያለፈባቸውን መልካም እና ፈታኝ ሁኔታዎችን የሚዘክር ሲሆን የወደፊቱን የጉዞ አቅጣጫ የሚጠቁም ጭምር ነው ተብሏል፡፡
‘የ75 ዓመቱ እንደራሴ፡ የአዲስ ቻምበር ጉዞ’ በሚል ርዕስ በም/ቤቱ ታሪክ ለመጀመሪያ ጊዜ የተዘጋጀው ይኸው ወጥ የታሪክ መጽሐፍ ከሃሳብ ጥንስስ ጀምሮ እስከ ዛሬው የም/ቤቱ ተቋማዊ አደረጃጀት እና የወደፊት ራዕይ በተደራጀ መልኩ ዝርዝር መረጃዎችን አካትቷል፡፡
ይኸው መጽሐፍ ለአሁኑ እና ለሚመጣው ትውልድ ስለ ምክር ቤቱ ታሪክ የሚያስረዳ ቋሚ ሠነድ ሆኖ የሚያገለግል ሲሆን በተጨማሪም በአገሪችን የዘመናዊ ንግድ ታሪክ ላይ ጥናት እና ምርምር ለሚያደርጉ ተመራማሪዎች ሁነኛ የመረጃ ምንጭ ሆኖ አንደሚያገለግል ተነግሯል፡፡
መጽሐፉ በውስጥ ይዘቱ ም/ቤቱ ያለፈባቸው ምልካም እና ፈታኝ ሁኔታዎችን የሚዳስሱ፤ የንግዱ ሕብረተሰብ መብት እና ጥቅሞች እንዲከበሩ ስለተደረጉ ጥረቶች፤ እንዲሁም የነጋዴውን እንቅስቀሴ የሚያውኩ የፖሊሲ ሕፀፆች አንጻር የተደረጉ የአድቮከሲ ጥረቶች ይዳስሳል፡፡
የአገራችን የአለማቀፍ ንግድ ግንኙነት እንዲጎለብት መንግስት ከሚያደርገው ጥረት ጎን ለጎን ም/ቤቱ ለአመታት ሲያከናውናቸው የቆየውን የንግድ ማስፋፊያ እና የፕሮሞሽን ሥራዎች በተለይም በውጪ እና በአገር ውስጥ ነጋዴዎች መካከል የንግድ-ለንግድ ውይይት መድረኮች በማዘጋጀት፤ በየአመቱ ዓለማቀፍ የንግድ ትርዒቶችን በማዘጋጀት ያደረገውን አስተዋጽኦ ያስነብባል፡፡
ምክር ቤቱ ለአባላቱ ሲሰጥ ከቆየው አገልግሎቶች መካከል በንግዱ ሕብረተሰብ መካከል በሚፈጠሩ ውዝግቦች ሳቢያ በጋዴዎች ላይ የሚደርሰውን እንግልት፤ተጨማሪ ወጪ እና ጊዜ ለማስቀረት በራሱ የግልግል ዳኝነት ተቋም በኩል የሚያደገውን ድጋፍ ፤የአባላት ልማት ፤ የሥልጠና እና ንግድ ነክ የሆኑ መረጃዎችን በራሱ የሕትመት ውጤቶች አማካኝነት መረጃዎችን ሲያቀርብ መቆየቱን የሚዘክሩ እና ሌሎች ታሪካዊ ክንውኖች ይገኙበታል፡፡
የንግድ ም/ቤቱ የተሳተፈባቸው የማሕበራዊ ኃላፊነት ሥራዎች ጭምር በዚሁ መጽሐፍ በሥዕላዊ ማስረጀዎች ታጅበው እንደተሰነዱ ተነግሯል፡፡
መጽሐፉ በ19 ምዕራፎች የተከፋፈለ እና 359 ገጾች አሉ::
‘‘ራዕያችን’’ የተሰኘው የም/ቤቱ ሕብረዝማሬ ተሻሽሎ ተዘጋጀ
በ1993 ዓም የተዘጋጀው እና ዘወትር የአዲስ ቻምበር የሬድዮ ፕሮግራም መክፈቻ ሆኖ ሲያገለግል የቆየው እና በሕዝብ ጆሮ የተለመደው ‘ ራዕያችን’ የተሰኘው ዝማሬ መሠረቱን ሳይለቅ በተሻለ የድምጽ ጥራት እና ባማረ ሙዚቃዊ ቅንብር እንደገና ተዘጋጅቶ ወጣ፡፡
የፊተኛው መዝሙር (ጅንግል) በማርሽ ባንድ ታጅቦ የተቀነባበረ ሲሆን ለሬዲዮና ቴሌቪዥን ማስታወቂያዎች እንዲሁም ለዶክመንተሪዎች በማጀቢያነት እያገለገለ ይገኛል።
አሁን ተሻሽሎ የወጣው ቅጂ የዘማሪዎቹን ድምጽ በጥራት እንዲሰማ ተደርጎ በነፍስወከፍ የሙዚቃ መሣሪያዎች ታጅቦ ለጆሮ እዲስማማ በአማካሪ ባለሙያዎች ( Abiy Arka and etal) እንደተቀናበረ ተነግሯል፡፡
የዚሁ መዝሙር ግጥም ሃሳቡና መልእክቱ ዘመን ተሻጋሪ የሆነ እና ዛሬም ድረስ በግጥሙ ውስጥ የተነሱት ጉዳዮች የቻምበሩ ጉዳዮች እነደሆኑ ለምክርቤቱ የ75ኛ የምሥረታ በአል በተዘጋጀው የታሪክ መጽሐፍ ላይ ተገልጿል።
የመዝሙሩ ስንኞች ሕዝብን ለሥራ የሚያነሳሱ፤ እድገትን የሚሰብኩ፤ስንፍናን የሚኮንኑ፤ ሰርቶ ማግኘትን የሚያወድሱ፤ነጋዴው ለወገኑ ችግር ደራሽ መሆኑን እና ባንዲራ እና ጠንካራ የሀገር ፍቅር ያለው ሕብረተሰብ እንዲሆን የሚያንጹ፤ አገራችን በልጆቿ ሕብረት በልምላሜ እና በሰላም ደምቃ አንድትኖር በሚመኙ በብሩሕ ተስፋ ባዘሉ መልዕክቶች ለትውልድ እንዲያስተላለፉ በጥንቃቄ የተጻፉ እንደሆኑ አዘጋጆች ተናግረዋል፡፡
የግጥሙና የዜማ ደራሲው አቶ ዘገየ ኃይሌ ጀማነህ የተባሉ ሰው አንደሆኑ በመጽሐፉ ተወስቷል፡፡
የም/ቤቱ የሬድዮ ዝግጅት ዘወትር ሐሙስ ከቀኑ 6፡40 – 7፡00 ሰዓት በኤፍ ኤም አዲስ 97.1 ሬዲዮ ጣቢያ በሚያዝያ ወር 1993 ዓ.ም ማስተላለፍ እንደተጀመረ ለማወቅ ተችሏል፡፡
በአሁኑ ወቅት ደግሞ በአዲስ ሚዲያ ኔትዎር FM 96.3 በማስተላለፍ ላይ ይገኛል::

አንጋፋውና የንግዱ ማህበረሰብ ድምጽ አዲስ ቼምበር 75ኛ አመቱን ከፊታችን ማክሰኞ ጀምሮ ለ3 ቀናት በደማቅ ሁኔታ ያከብራል፡፡

በኢትዮጵያም ሆነ በአፍሪካ የንግድ ምክር ቤቶች ታሪክ ከቀዳሚዎቹ ተርታ የሚሰለፈው አዲስ አበባ ንግድና የዘርፍ ማኀበራት ምክር ቤት/ አዲስ ቼምበር/ የ75ኛ ዓመት ክብረ በዓል መክፈቻውን የፊታችን ማክሰኞ ከጧቱ 3፡00 ጀምሮ በስካይ ላይት ሆቴል ያካሂዳል፡፡
ንግድ ምክር ቤቱ የተመሰረተበት 75ኛ ዓመት ክብረ በዓል ከሰኔ 21-23 ቀን 2014 ዓ.ም ድረስ በድምቀት የሚከበር ሲሆን በበዐሉ ላይ የምክር ቤቱ አባላት፣ ከፍተኛ የመንግሥት የሥራ ኃላፊዎች፣ ሚኒስትሮች፣ ምሁራን ፣ የልማት አጋሮች፣ ሚዲያዎች እና ሌሎች ጥሪ የተደረገላቸው ከ 400 በላይ እንግዶች ይታደማሉ፡፡
ምክር ቤቱ በስኬትና በውጣ ውረድ የታጀበ የ75 አመታት ታሪካዊ ጉዞውን የሚዘክርበትን፣ የወቅቱን ተጨባጭ ሁኔታውን የሚያሳይበትንና የመጻይ ዘመን ጉዞውን የሚተልምበትን ይህን ታሪካዊ በዓል በተለየና ታሪካዊ በሆነ መልኩ ለማክበር እየተንቀሳቀሰ መሆኑ ተሰምቷል፡፡
የአዲስ አበባ ንግድ ምክር ቤት ታሪክ የኢትዮጵያ ዘመናዊ የንግድ ታሪክ ነው ብሎ የሚያምነው አዲስ ቼምበር ከምስረታው አንስቶ የግሉ ዘርፍና የንግድ ምክር ቤቱ በየዘመናቱ ካጋጠሟቸው ፈተናዎችና መሰናክሎች አልፈው አሁን ያሉበት ደረጃ ላይ እንዲደርሱ አስተዋጽኦ ላበረከቱ ግለሰቦችና ባለድርሻ አካላት እውቅና ከመስጠት ባለፈ፣ በተለያዩ የንግድና ኢንቨስትመንት ዙሪያ የሚያጠነጥኑ ታላላቅ የፖሊሲ ፓናሎችና ሲምፖዚየሞች፣ የምክር ቤቱን የ75 አመታት ጉዞ የሚያስቃኙ ዘጋቢ ፊልም እና ታሪካዊ መፅሃፍ የሚመረቁበት ሲሆን የፎቶ አውደ ርእይ እና የውይይት መድረኮችንም የሚያጠቃልል ይሆናል፡፡
በስካይ ላይትና ሂልተን ሆቴሎች ለ 3 ቀናት ከሚካሄዱት ፓናሎቹና ሲምፖዚየሞቹ መካከል በኢትየጵያ የግሉ ዘርፍ ልማትና ከባቢ የፖሊሲ ሁኔታዎች፣ ህገወጥ ንግድና የተወዳዳሪነት ፈተናዎች፣ የህጎችና ደንቦች አወጣጥ በግሉ ዘርፍ ልማት ፣ የቢዝነስ መጻኢ እድሎች እንዲሁም የንግድ ማህበራትና ተቋማት በኢትየጰያ ኢኮኖሚ ውስጥ ያላቸው ሚና የመሳሰሉት ርእሶች ይገኙበታል፡፡
በእነዚህንም ፓናሎች ታዋቂ ምሁራን፣የፖሊሲ አውጪዎች እና የግሉ ዘርፍ ተዋንያን የመነሻ ጽሁፍ ያቀርባሉ፡፡
በክብረ በአሉ መክፈቻ የአዲስ ቻምበርን ታሪክን የሚዘክር መጽሐፍም ታትሞ ለምረቃ እና ለንባብ የሚበቃ ይሆናል፡፡
መጽሐፉ በገለልተኛ እና ልምድ ባላቸው ባለሙያዎች የተጻፈ ሲሆን ንግድ ም/ቤቱ በእነዚህ ረጅም አመታት ውስጥ በትውልድ የቅብብሎሽ ሰንሰለት ላይ ያለፈባቸውን መልካም እና ፈታኝ ሁኔታዎችን የሚዘክር ሲሆን የወደፊቱን የጉዞ አቅጣጫ የሚጠቁም ጭምር ነው ተብሏል፡፡
የምክር ቤቱን 75 አመታት የሚያስቃኝ የቴቪ ዶክመንታሪ ፊልምም ተዘጋጀ ሲሆን በቀጣዩ ሰኞ ምሽት በፋና ቴቪ ይቀርባል ተብሎ ይጠበቃል፡፡
ከዚህ በተጨማሪ በ1993 ዓም የተዘጋጀው እና ዘወትር የአዲስ ቻምበር የሬድዮ ፕሮግራም መክፈቻ ሆኖ ሲያገለግል የቆየው እና በሕዝብ ጆሮ የተለመደው ‘ ራዕያችን’ የተሰኘው ዝማሬ መሠረቱን ሳይለቅ በተሻለ የድምጽ ጥራት እና ባማረ ሙዚቃዊ ቅንብር እንደገና ተዘጋጅቶና ተሻሽሎ የሚቀርብ ይሆናል፡፡
የአንድ ሀገር ኢኮኖሚ የሚደገፈው በንግዱ ማኅበረሰብ ንቁ ተሳትፎ፣ በመንግሥት እና በንግዱ ማኅበረሰብ መካከል በሚፈጠር መተማመን ስለመሆኑ የንግድ ምክር ቤቱ በጽኑ አምናለሁ ብሏል፡፡
የእስከ አሁኑን ጨምሮ ምክር ቤቱ በ 75 አመታት እድሜው በንግዱ ህብረተሰብ የተመረጡ 19 ፕሬዚዳንቶች መርተውታል ፡፡
ከነዚህ መካከል አቶ ገብረስላሴ ኦዳ፣ የቀድሞ የንግድ ባንክ ስራ አስኪያጅና የብሄራዊ ባንክ ገዥ የነበሩት ዶክተር ተፈራ ደግፌ፣የማስታወቂያው ባለሙያ አቶ ውብሸት ወርቃለማሁ፣አቶ ክቡር ገና፣ የህብረት ኢንሹራንስ መስራቹ አቶ እየሱስወርቅ ዛፉ፣አቶ አያሌው ዘገየ፣ አቶ ኤሊያስ ገነቲና የወቅቱ እና ብቸኛዋ ሴት ፕሬዚዳንት መሰንበት ሸንቁጤ ይገኙበታል።
የአዲስ አበባ ንግድ ም/ቤት በ1939 ዓ.ም በቀዳማዊ አፄ ኀይለ ስላሴ ዘመነ መንግስት በአዋጅ የተቋቋመ ተቋም ነው።
ጀግኖች አባቶቻችን የፋሺስት ወረራን ቀልብሰው ኢትዮጵያን እንደገና በእግሯ ለማቆም በሚታትሩበት በ1930ዎቹ መጨረሻ ላይ በሀገር ፍቅር ማኅበር ታቅፈው ሲንቀሳቀሱ የነበሩ ነጋዴዎች ለምክር ቤቱ መቋቋም ምክንያቶች ነበሩ፡፡
ዬኔው የአዲስ አበባ ነጋዴዎች፣ ምክር ቤታቸውን ያቋቋሙበት ምክንያትና ዓላማ በንግዱ ማኅበረሰብና በመንግሥት መካከል አገናኝ ድልድይ ሆነው ህጋዊ አግባቦችን ሁሉ በመጠቀም የሀገራችንን የንግድ ሥራን ለማሻሻል የሚበጁ ሀሳቦችን ለማቅረብ እንደነበር ይታወቃል::
የአሁኑ የ 75 አመት የበዓል አከባበር ያለፈው ታሪክ የሚዘከርበት ብቻም ሳይሆን፣ ወቅታዊ ዕድሎችና ፈተናዎች የሚንጸባረቁበት እና በቀጣይም ምክር ቤቱ ዘመኑን የሚመጥኑ አማራጭ የፖሊሲ ምክረ ሀሳቦችን ከአባላቱ ጋር በመሆን ለሚመለከተው በማቅረብና የመፍትሔ አካል በመሆን የሚያጋጥሙ ተግዳሮቶችን በመቅረፍ ረገድ በቀጣይነት ሊያከናውናቸው ያሰባቸውን ተግባራት የሚያስተዋውቅበት እንደሚሆንም ንግድ ም/ቤቱ አስታውቋል፡፡
post

የክሬዲት ዋስትና አስፈላጊው የህግ ማእቀፍ ተዘጋጅቶለት እንዲተገበር ተጠየቀ

የአዲስ አበባ ንግድ እና ዘርፍ ማህበራት ም/ቤት የክሬዲት ዋስትና ( credit insurance guarantee for promoting trade ) አስፈላጊነት እና ጠቀሜታ ላይ ያተኮረ ውይይት አካሒዷል።
የ ኢትዮጵያ መድን ሰጪዎች ማህበር ፕሬዚዳንት አቶ ያሬድ ሞላ የውይይትመነሻ ሀሳብ ያቀረቡ ሲሆን ለተነሱ ጥያቄዎች ምላሽ ሠጥተዋል። አቶ ያሬድ እንደገለፁት የክሬዲት ዋስትና አለማችን ከ18ኛው ክ/ዘመን ጀምሮ ተግባራዊ ያደረገችው ስርአት ነው።
በኢትዮጵያ ግን የክሬዲት ዋስትና መስጠት የሚያስችል ህግ የለም ብለዋል። ይህ የዋስትና አይነት ለግሉ ዘርፍ መስፋፋት ብሎም ለሀገር እድገት አስፈላጊ በመሆኑ ነጋዴውን ሊጠቅም በሚችል እና በተጠና ሁኔታ ሊተገበር እንደሚገባ አቶ ያሬድ ገልጸዋል ።
በዚህ ረገድ በማንኛውም ሰአት አገልግሎቱን ለመጀመር በኢንሹራንስ ኩባንያዎች በኩል ዝግጁነት እንዳለ የገለፁት አቶ ያሬድ ነገር ግን የብሔራዊ ባንክ ይሁንታ እና የሚያሰራ የህግ ማእቀፍ እንደሚያስፈልግ ጠቁመዋል ።