post

ጥቅምት 15/2011 ዓ.ም የሚካሄደውን የምክር ቤቱን መደበኛ ጠቅላላ ጉባዔ አስመልክቶ የምክር ቤቱ ፕሬዚደንት አቶ ኤልያስ ገነቲ በሰጡት መግለጫ  ጠቅላላ ጉባዔው የምክር ቤቱን አመታዊ የሥራ አፈጻጸም ይገመግማል ፤የ2010 ዓ.ም  የኦዲት ሪፖርትን መርምሮ ያፀድቃል፡፡

ከዚህ በተጨማሪ አገሪቱ የጀመረችውን የለውጥ ጉዞ ተከትሎ ምክር ቤቱ የቀየሰውን እቅድ  ማስፈጸም የሚችሉና የንግዱን ማህበረሰብ አጀንዳ በግንባር ቀደምትነት የሚመሩ አዲስ ፕሬዚደንት እና አዳዲስ የቦርድ አመራሮች ምርጫ ይካሄዳል ብለዋል፡፡

ጉባዔው በተሣካ ሁኔታ እንዲጠናቀቅ ሴክሬታሪቱ የተለያዩ ኮሚቴዎችን አቋቁሞ የቅድመ ዝግጅት ሥራዎች ከወዲሁ እየተከናወነ መሆኑን የገለፁት አቶ ኤልያስ፣ ምርጫው ዲሞክራሲያዊ በሆነ መልኩ እንዲካሄድ የንግዱ ህብረተሰብ ንቁ ተሣትፎ እንዲያደርግ፣ ምክር ቤቱን ወደ ላቀ ደረጃ የሚያሸጋግሩ ራዕይ ያላቸው አባላት ወደ አመራር እንዲመጡም ጥሪ አቅርበዋል፡፡